Zvicra ka konfirmuar një rast me variantin e ri të COVID-19, Omicron, tek një 19-vjeçar i cili është plotësisht i vaksinuar dhe i cili nuk kishte histori udhëtimi kohëve të fundit.
Rasti i tretë i variantit të ri është zbuluar gjatë një testi rutinor në një shkollë të mesme, dhe raportohet se i riu ka simptoma të lehta.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSi pasojë e këtij rasti, tashmë janë karantinuar 100 persona të tjerë të cilët kanë pasur kontakt me 19-vjeçarin.
Autoritetet zvicerane thonë se deri më tani nuk janë në gjendje të përcaktojnë se ku mund të jetë infektuar i riu.
Ndërkohë, numri i rasteve të reja me koronavirus në Zvicër ka shkuar në 10,466 në 24 orët e fundit, duke arritur kulmin e valës së dytë vdekjeprurëse të Zvicrës vitin e kaluar.
Spitalet e Cyrihut tani raportojnë se çdo shtrat është nxënë. Qytetet e tjera të Zvicrës janë nën presion të ngjashëm, me shumicën e departamenteve të ICU-së të zëna më shumë se 80%.