Drejtori i një miniere në Burkina Faso është shpallur fajtor për vrasje nga pakujdesia, pas një fatkeqësie nga përmbytjet në prill që mori jetën e tetë minatorëve.
Hein Frey, nga kompania kanadeze Trevali, u gjobit me 3,000 dollarë dhe u dënua me burgim me kusht për 24 muaj, shkruan BBC-ja të mërkurën.
Dënimi është pritur keq, pasi disa në Burkina Faso e shohin dënimin si të butë, duke pasur parasysh numrin e viktimave.
Një tjetër person nga kontraktori i Trevalit, Byrnecut, u dënua me 12 muaj me kusht.
Tetë minatorët po punonin në një thellësi prej më shumë se 500 metrash kur u bllokuan nga shiu i rrëmbyeshëm në prill.
Edhe
Rreth 100 minatorë ilegalë të vdekur, ishin bllokuar në një minierë në Afrikën e Jugut
Në më pak se një orë, ranë 125 mm shi, pesë herë më shumë se sasia mesatare mujore.
Por pavarësisht përpjekjeve të shpëtimit, në fund të majit trupat e parë të minatorëve u gjetën në minierën e zinkut Perkoa, e cila shtrihet rreth 100 km në perëndim të kryeqytetit, Ouagadougou.
Trupi i fundit u gjet në qershor, pas rreth 66 ditësh kërkime.
Ekipeve të shpëtimit iu deshën 31 ditë për të arritur në dhomën e parë të shpëtimit në minierën ku mund të kishin kërkuar strehim minatorët e zhdukur.
Por kur dhoma u hap, asnjë nga burrat, një tanzanian, një zambian dhe gjashtë nga Burkina Faso, nuk ishte aty.
Miniera e zinkut kishte dy dhoma shpëtimi të pajisura me ushqim, ujë dhe oksigjen, dhe njerëzit e të afërt të minatorëve kishin shpresuar dëshpërimisht se minatorët mund të kishin arritur në njërën prej tyre në mënyrë të sigurt.
Trevali tha se gjatë përpjekjeve të shpëtimit, u instaluan 5,000 metra tuba të rinj, së bashku me më shumë se 24 pompa elektrike dhe me naftë.
Por pas një kërkimi të furishëm ditë e natë që zgjati më shumë se një muaj, më 25 maj ekipet e shpëtimit gjetën katër trupat e parë të minatorëve.
Edhe
Burkina Faso, minibusi bie në një minë, së paku dhjetë të vdekur
Në atë kohë, shefi i minierës në pronësi kanadeze shprehu trishtimin e tij për vdekjet.
Pas katastrofës në minierë, Trevali dhe qeveria në Burkina Faso nisën hetimet për shkaqet e incidentit.
