Nga bora e madhe që ka rënë në Teheran të Iranit, autoritetet janë detyruar t’i mbyllin aeroportet dhe shkollat, ndërsa qindra vetura janë bllokuar në autostradat e kryeqytetit për disa orë.
Aeroporti ndërkombëtar, Imam Khomeini dhe ai Mehrabad, janë mbyllur për shkak të dukshmërisë së vogël “deri në njoftimin e ardhshëm”, ka raportuar sot Televizioni shtetëror iranian, transmeton rel.
Në disa rajone të Iranit, përfshirë Teheranin, janë mbyllur shkollat, ndërsa qindra ekipe të Gjysmëhënës së Kuqe janë mobilizuar për t’i ndihmuar automobilistët e bllokuar nëpër rrugët me borë.
Agjencia zyrtare e lajmeve IRNA e ka cituar një përfaqësues të Gjysmëhënës së Kuqe që ka thënë se 6,600 njerëz janë vendosur në strehime emergjente.
Ushtria, po ashtu, është shprehur e gatshme për të ndihmuar.
-
Irani mbyll shkollat, universitetet dhe zyrat qeveritare në Teheran
-
Teherani mbyll shkollat shkaku i ndotjes së madhe të ajrit
-
Për shkak të ajrit të ndotur, mbyllen shkollat në Teheran
-
Mbyllen shkollat në Iran pas ndotjes së lartë të ajrit
-
Mes tensioneve në rritje, mbyllet hapësira ajrore në pjesën perëndimore të Iranit