Netanyahu nuk mbështet më shtetësinë palestineze, tha një zyrtar i lartë i kabinetit qeveritar izraelit, derisa vetë kryeministri refuzoi të qartësonte pozicionin e tij, kur u nis drejt Shteteve të Bashkuara, ku do të takohet me presidentin Donald Trump.
Netanyahu kishte shprehur mbështetje me kushte për një shtet palestinez që në 2009. Ai, publikisht asnjëherë nuk është distancuar nga ky pozicion, që sidoqoftë, sipas palestinezëve, ka qenë gjithnjë i pavlerë për shkak të zgjerimit të kolonive në tokat e okupuara.
Në aeroportin e Tel Avivit, Netanyahu anashkaloi pyetjen nëse ai ende mbështeste të ashtuquajturën zgjidhje për dy shtete. Por, më herët, ministri i Sigurisë Publike, Gilad Erdan, kishte thënë se të gjithë pjesëtarët e kabinetit të sigurisë, e mbi të gjithë kryeministri, kundërshtojnë shtetin palestinez.
Netanyahu do të takohet me presidentin amerikan Donald Trump të mërkurën, ndërkohë që nga ulja në detyrë e këtij të fundit, e deri më sot, kryeministri izraelit ka miratuar ndërtimin e 6 mijë shtëpive të reja për kolonitë në Bregun Perëndimor dhe Jerusalemin lindor, duke ndezur kundërshti të shumta ndërkombëtare, të cilave Shtëpia e Bardhë nuk u është bashkuar.
-
Pak para votimit në OKB, Netanyahu këmbëngul të mos ketë shtet palestinez
-
Netanyahu: S’do të ketë një shtet palestinez
-
Netanyahu zotohet “ta luftojë” njohjen e shtetit palestinez nga Britania
-
Netanyahu: Izraeli nuk është palë e marrëveshjes SHBA-Iran
-
Netanyahu e pranon vështirësinë për të ndikuar në vendimet e Trumpit lidhur me Iranin