Netanyahu: Irani kurrë nuk ka qenë më afër zhvillimit të bombës atomike

Kryeministri izraelit, Benjamin Netanyahu, ka thënë se Irani kurrë nuk ka qenë më afër arritjes së qëllimit të prodhimit të bombës atomike.

Netanyahu për mediat izraelite, tha se ai kurrë nuk do ta lejojë Iranin të bëhet me armë bërthamore dhe të bëhet një kërcënim për sigurinë ndaj Izraelit dhe botës.

“Irani kurrë nuk ka qenë më afër realizimit të qëllimit të prodhimit të kësaj arme. Teherani bënë çmos për të përshpejtuar procesin”, ka thënë mes tjerash Netanyahu, transmeton KTV.

Më parë, kreu i diplomacisë iraniane akuzoi Netanyahun për kërcënimin e shkatërrimit të Iranit, ndaj të cilit kryeministri izraelit u përgjigj me një kundërshtim se Irani është ai që kërcënon mbijetesën e Izraelit.