Sot në Slloveni po mbahen zgjedhjet presidenciale për të zgjedhur pasardhësin e Borut Pahorit, pas dy mandateve të tij pesëvjeçare në këtë pozitë.
Më tepër se 3000 qendra votimi në Slloveni janë hapur në ora 7 të mëngjesit dhe mbyllen në 7 pasdite.
Ish-ministri i Jashtëm, Anze Logar, pritet të udhëheqë rundin e par të zgjedhjeve, ku po garojnë shtatë kandidatë.
Në sondazhe thuhet se asnjëri nga kandidatët nuk do të marrë mbi 50 për qind të votave që u duhet për të fituar zgjedhjet presidenciale në këtë rund.
