Pas zvogëlimit të dukshëm të numrit të rasteve pozitive me koronavirus, autoritetet maqedonase po shqyrtojnë si opsion shkurtimin e orës policore, raporton KosovaPress.
Komisioni për Sëmundje Infektive i Maqedonisë së Veriut do të propozojë që pas datës 15 qershor, ora policore të fillojë prej orës 01:00 dhe të zgjasë deri në orën 04:00 të mëngjesit.
Ky propozim do t’i dorëzohet Qeverisë maqedonase, e cila pritet të marrë vendimin për miratimin apo hedhjen poshtë të tij.
Nga data 1 qershor në Maqedoni kanë hyrë në fuqi masat e reja antiCOVID.
Këto masa, ndër të tjerash, përfshijnë lejimin e heqjes së maskës në ambientet e hapura, grupimin e më shumë njerëzve, si dhe lejimin e dasmave.
Edhe
Në Maqedoninë e Veriut nga nesër pa maska në ambientet e hapura, lejohen dasmat
Me vendimin e fundit, në Maqedoninë e Veriut do të lejohet edhe publiku në ngjarjet sportive, ku mund të shfrytëzohet 30 për qind e kapacitetit të përgjithshëm.
Një vendim i tillë ishte marrë pas rekomandimeve të Komisionit për Sëmundje Infektive, pas rënies së numrit të rasteve aktive me COVID në këtë shtet.
