Në Kinë gjithnjë e më pak të infektuar, në botë gjithnjë e më shumë, në Itali dje vdiqën 27 persona

Në atë që është konsideruar vatra e koronavirusit, Kinë, po raportohet për gjithnjë e më pak të infektuar me koronavirus. Por situatë krejt tjetër është në pjesët tjera të botës, sidomos Kore të Jugut, Iran dhe në shtetet evropiane, raporton Index.

Në Itali, gjatë orëve të pasdites të së martës, numri i të infektuarve është rritur për disa qindra.

Mediat italiane raportojnë se deri në mëngjesin e sotëm, janë regjistruar 2.502 persona, që është për gati 250 më shumë se që ishte të martën mbrëma.

Në Itali është rritur edhe numri i të vdekurve si pasojë e këtij virusi.

Të martën në Itali janë regjistruar 27 të vdekur, gjashtë më pak se në Kinë, që është bilanc i rënd krahasuar me numrin e të infektuarve.

Deri më tash, në Itali kanë vdekur 80 persona me këtë virus.

Edhe Botë 1 pri 2020 Franca, vatra e tretë e koronavirusit në Evropë

Në gjithë botën është raportuar për rreth 93 mijë të infektuar dhe 3.200 të vdekur. Vetëm në Kinë janë mbi 80 mijë të infektuar dhe 2.981 të vdekur. Dje në Kinë janë raportuar 119 të infektuar, që është më pak se një ditë më parë. Irani po ashtu qëndron keq me 2.336 të infektuar dhe 77 të vdekur. Në Kore të Jugut, sipas të dhënave të së martës mbrëma, janë 5.328 të infektuar e 32 të vdekur.

Në Japoni, numri i të infektuarve ka kaluar 1.000-shin.