Sekretari i Përgjithshëm i NATO-s, Jens Stoltenberg, ka theksuar se Ukraina ka “të drejtën të çlirojë tokën e vet”.
Ai u shpreh të hënën, pas takimit me kancelarin gjerman Olaf Szholz, se të gjithë duan që kjo luftë të përfundojë, por një paqe e drejtë, sipas tij, nuk mund të nënkuptojë ngrirjen e konfliktit dhe pranimin e një marrëveshjeje të diktuar nga Rusia.
Stoltenbergu po ashtu ka konfirmuar se kundërofensiva e Ukrainës është duke u zhvilluar.
Stoltenbergu qëndroi të hënën në Berlin për të diskutuar përgatitjet për samitin e ardhshëm të NATO-s që do të mbahet në Vilnius.
Në konferencën e përbashkët për media pas takimit, kancelari Scholz theksoi rëndësinë e ndërtimit të mbrojtjes ajrore të Evropës.
Edhe
Përdorimi i armëve të NATO-s nga Ukraina për ta sulmuar Rusinë s’është përshkallëzim, thotë Stoltenbergu
Projekti “European Sky Shield”, i nisur në fund të vitit të kaluar, përfshin 17 vende evropiane, përfshirë Mbretërinë e Bashkuar - por jo edhe Francën.
Është menduar të integrohet brenda sistemeve të mbrojtjes ajrore dhe raketore të NATO-s.
