18:14 - Mariupoli “vijë e kuqe” për negociatat Ukrainë-Rusi
Situata e rënduar në Mariupol të Ukrainës mund të jetë “vijë e kuqe”, në vazhdën e negociatave me Rusinë, ka deklaruar të dielën ministri i Jashtëm ukrainas, Dmytro Kuleba.
Ai tha të dielën për CBS-në se kohëve të fundit nuk ka pasur komunikime diplomatike mes dy palëve, për shkak të pozicionimit të sulmeve në qytetin e Mariupolit. Lajmi i plotë KËTU.
17:21 - Zelensky: Ukraina nuk e ka ndërmend ta dorëzojë Donbasin
Presidenti ukrainas, Volodymyr Zelensky ka thënë se Ukraina është duke luftuar në regjionin e Donbasit dhe nuk ka qëllime të dorëzimit të tij.
Edhe
Komandanti ukrainas në Mariupol: Ky mund të jetë mesazhi i fundit, nuk do t’i lëmë armët
Në një intervistë për CNN-it, Zelensky hodhi poshtë idenë për ta lënë Moskën të marrë nën kontroll Donbasin dhe një pjesë të Ukrainës lindore për të ndaluar konfliktin, shkruan Sky News.
Lajmin e plotë mund ta lexoni KËTU.
16:39 - Forcat ukrainase në Mariupol kundërshtojnë kërkesën e Rusisë për t'u dorëzuar
Forcat e mbetura ukrainase në qytetin e Mariupolit janë ende duke luftuar, tha sot kryeministri ukrainas, Denys Shmyhal.
Shmyhal tha për ABC se trupat po kundërshtojnë kërkesën e Rusisë për të lënë armët dhe për t’u dorëzuar, pasi thotë se kanë nën kontroll edhe disa pjesë të qytetit.
Lajmin e plotë mund ta lexoni KËTU.
15:13 - Zelensky: Ukraina nuk do t’i japë territor Rusisë për t’i dhënë fund luftës
Presidenti i Ukrainës, Volodymyr Zelensky, në një intervistë për CNN-in ka thënë se Ukraina nuk do të heqë dorë nga territori i saj në pjesën lindore për t’i dhënë fund luftës me Rusinë.
Zelensky ka thënë se ushtria e Ukrainës është e përgatitur të luftojë me forcat ruse në rajonin e Donbasit, ndërsa ka shtuar se kjo betejë mund të ndikojë në kursin e gjithë luftës.
Lajmi i plotë KËTU.
15:03 - Gjashtë të vdekur në rajonin e Kharkivit në 24 orët e fundit
Tre inxhinierë ushtarakë të Shërbimit të Emergjencës së Ukrainës kanë humbur jetën e katër tjerë janë lënduar, duke larguar municione në verilindje të Kharkivit të dielën, raporton CNN.
Në një rast tjetër, tre civilë kanë humbur jetën e dhjetëra janë plagosur në bombardimet e forcave ruse në rajon në 24 orët e fundit, ka shkruar në Telegram, kreu i Administratës Rajonale Ushtarake të Kharkivit, Oleg Sinegubov.
Lajmi i plotë KËTU.
13:15 - Vritet një gjeneral tjetër rus në luftën në Ukrainë
Një gjeneral tjetër rus është vrarë në luftën në Ukrainë. Zëvendëskomandanti i batalionit të 8-të të forcave të armatosura ruse, Vladimir Petrovich Frolov, është vrarë gjatë luftimeve në Ukrainë, ka njoftuar agjencia ruse e lajmeve TASS.
Lajmi është konfirmuar nga kryetari i St. Petersburgut, Alexander Beglov.
Që kur ka nisur pushtimi rus i Ukrainës më 24 shkurt, janë vrarë disa gjeneralë rusë në Ukrainë.
Lajmi i plotë KËTU.
12:25 - Zyrtarët e Mariupolit refuzojnë ultimatumin rus për t’u dorëzuar
Edhe
Ukrainasit nuk dorëzohen në qytetin strategjik, me gjithë gjendjen “çnjerëzore”
Forcat ukrainase do të vazhdojnë të mbrojnë qytetin e Mariupolit përkundër ultimatumit që është dhënë nga Rusia, është njoftuar nga zyrtarët e Mariupolit të dielën, raporton CNN.
Një këshilltar i kryetarit të Mariupolit ka reaguar ndaj kërkesave të Ministrisë së Mbrojtjes së Rusisë që ushtarët ukrainas që ende po rezistojnë në këtë qytet të dorëzohen.
Lajmi i plotë KËTU.
10:46 - Rusia thotë se ka goditur një fabrikë të municionit në afërsi të Kievit
Ministria e Mbrojtjes së Rusisë thotë se ka goditur një fabrikë të municionit në afërsi të Kievit, raporton agjencia Reuters.
Zëdhënësi i Ministrisë së Mbrojtjes, Igor Konashenkov, ka thënë se është shkatërruar një fabrikë e armëve në afërsi të qytetit Brovary në periferi të Kievit.
Lajmi i plotë KËTU.
9:43 - Raketat ruse goditën infrastrukturën në periferi të Kievit
Në mëngjesin e të dielës janë dëgjuar shpërthime të forta në kryeqendrën e Ukrainës, Kiev.
Sipas kryetarit të Brovaryas, Igor Sapozhkoqë, sulmet kanë shënjestruar infrastrukturën në këtë zonë, raporton BBC.
Lajmi i plotë KËTU.
8:19 - BE-ja do t'i sanksionojë Sberbank dhe banka të tjera ruse
Bashkimi Evropian planifikon ta sanksionojë huadhënësin më të madh rus Sberbank dhe kompanitë e tjera financiare ruse në raundin e ardhshëm të kufizimeve, tha kryetarja e Komisionit Evropian, Ursula von der Leyen për një gazetë gjermane.
“Ne po shikojmë më tej sektorin bankar, veçanërisht Sberbank, i cili përbën 37% të sektorit bankar rus”, tha von der Leyen për Bild am Sonntag kur u pyet për raundin e gjashtë të ardhshëm të sanksioneve.
Lajmi i plotë KËTU.
Rusia ka thënë se do t’i garantojë jetët e ushtarëve ukrainas në Mariupol që dorëzohen në orët në vijim, raporton BBC.
Të dielën nga ora 6:00 për disa orë, forcat ruse do t’i lejojnë ushtarët të largohen nga fabrika e metalit Azovstal – nëse ata i lënë prapa armët dhe municionin.
Sipas ministrisë së Mbrojtjes së Rusisë, ata që e bëjnë këtë do të trajtohen në linjë me Konventën e Gjenevës për të burgosurit e luftës.
Në një deklaratë të lëshuar disa orë më parë, forcat ruse nga ora 6:00 do të ngrenë flamujt e kuq, ndërsa ato ukrainase që janë brenda perimetrit të fabrikës duket të ngrenë flamujt e bardhë.
Zyrtarët ukrainas nuk kanë dhënë shenja se do ta pranojnë këtë ofertë.
Edhe
Mariupoli “vijë e kuqe” për negociatat Ukrainë-Rusi
Në mëngjesin e të dielës janë dëgjuar sërish shpërthime në kryeqytet Kiev, raporton agjencia Reuters.
Të shtunën, një person u vra e disa u plagosën nga sulmet ajrore.
