Ministria moldave e Punëve të Jashtme urdhëroi dje dëbimin e pesë diplomatëve rusë nga vendi, pa dhënë shkaqet, çka shkaktoi menjëherë kritika nga ana e presidentit prorus, Igor Dodon.
“Diplomacia moldave njoftoi dje pasdite ambasadorin rus, Farit Muhameçin për këtë vendim”, sipas Artur Sarbu, një zyrtar i ministrisë.
Muhameçin konfirmoi se e kishte marrë këtë njoftim pa bërë shumë komente.
“Diplomatët rusë kanë 72 orë për të lënë vendin”, sipas presidentit moldav prorus, Igor Dodon, i cili dënoi vendimin e qeverisë së tij.
Ai e cilësoi si provokim dhe akuzoi mbështetësit për një integrim të kësaj ish-republike sovjetike në Bashkimin Evropian.
Edhe
Ukraina lëshon mbi 400 dronë drejt Moskës teksa Zelensky përballet me protesta
“Jam thellësisht i revoltuar nga ky akt jomiqësor nga ana e përfaqësuesve të diplomacisë moldave dhe e dënoj ashpër”, deklaroi Dodon në një komunikatë.
“Ky vendim është marrë me urdhër të Perëndimit”, shtoi ai duke iu trembur pasojave negative për marrëdhëniet mes Moskës dhe Kishinjevit.
