Një ministër izraelit i ekstremit të djathtë ka drejtuar qindra izraelitë hebrenj në vendin e shenjtë më të kontestuar të Jerusalemit, me shumë që sfidojnë ndalimin e qeverisë izraelite për lutjet hebraike atje.
Vizita nga ministri i Sigurisë Kombëtare, Itamar Ben-Gvir, në kompleksin e xhamisë al-Aqsa është dënuar dhe është vlerësuar si provokuese nga liderët palestinezë, ashtu si edhe nga Kombet e Bashkuara dhe shtetet arabe.
Ben-Gvir ka thënë përmes një videoje se “politika jonë është të mundësojmë lutjen hebreje”.
Por, zyra e kryeministrit të Izraelit ka insistuar se nuk ka ndryshim në marrëveshjen e status quos që lejon vetëm besimtarët myslimanë aty.
Ky vend është vend i shenjtë për hebrenjtë sepse ka qenë zonë e dy tempujve të lashtë biblikë. Është vendi i tretë më i shenjtë për myslimanët sepse nga aty besohet se profeti Muhamet u ngjit në parajsë.
Edhe
Ministri nxitës i Izraelit bën thirrje që “i gjithë Libani të digjet”
Videot të martën kanë treguar grupe hebrenjsh izraelitë duke kënduar himnin kombëtar, disa duke mbajtur flamuj të Izraelit e të tjerë që luteshin buzë vendit të shenjtë, raportoi BBC.
Zyra e Benjamin Netanyahut ka thënë se ky incident “kishte devijuar nga status quo”.
“Politika e Izraelit në Malin e Tempullit nuk ka ndryshuar; kështu ka qenë dhe kështu do të jetë”, ka nënvizuar.
Në përgjigje, ministri Ben-Gvir ka shtuar se ai e ka politikën e tij për t’ua “mundësuar lirinë e adhurimit hebrenjve në të gjitha vendet”.
Ministria e Jashtme palestineze e ka parë me shqetësim të madh dhe e ka quajtur “përshkallëzim të rrezikshëm”.
Lëvizja islamike jordaneze që administron zonën ka thënë se mbi 2,000 izraelitë kanë hyrë në kompleks, dhe u ka apeluar myslimanëve në botë të ndihmojnë për ta mbajtur status quon.
Egjipti dhe Arabia Saudite kanë thënë se kjo shkel të drejtën ndërkombëtare.
Zëdhënësi i OKB-së, Farhan Haq, e ka quajtur “të padobishëm dhe provokues” veprimin e ministrit.
Edhe
Ministri izraelit shpërndan video duke abuzuar aktivistët ndërkombëtarë, reagon bota
“Jemi kundër çdo përpjekje për të ndryshuar status quon brenda zonës së shenjtë”.
Zëdhënësi i Departamentit amerikan të Shtetit, Vedant Patel, ka thënë se “çdo veprim i njëanshëm si ky që rrezikon status quon është i papranueshëm”.
While on a provocative visit to occupied East Jerusalem's Al-Aqsa Mosque compound, far-right Israeli National Security Minister Itamar Ben-Gvir said his government should not be engaged in Gaza ceasefire negotiations with Hamas.
pic.twitter.com/Xt09E0cMIn
