Një nga njerëzit më të pasur në Rusi ka deklaruar se lufta në Ukrainë duhet të ndalet sa më shpejtë që është e mundur, duke thënë se ajo sjell tragjedi për të dy anët.
I lindur në Ukrainë, miliarderi Mikhail Fridman, ka thënë se ai nuk mund të komentojë në mënyrë më direkte, derisa ka shtuar se lufta do të rezultojë me një rrezik të madh jo vetëm për të personalisht, por edhe për kolegët dhe stafin.
Fridman po ashtu ka thënë se sanksionet ndërkombëtare ndaj bizneseve ruse janë të padrejta.
Fridmani ka hequr dorë nga bordi i drejtorëve të Veon-it, ka bërë të ditur operatori i telefonisë mobile.
Ai është aksionari më i madh në kompaninë me bazë në Amsterdam, e cila operon rrjete në Ukrainë dhe Rusi, si dhe në Algjeri, Kazakistan dhe Pakistan.
