Mijëra protestues kanë marshuar përmes qendrës së Londrës të shtunën për të treguar mbështetjen për palestinezët.
Ata kanë bërë thirrje për armëpushim të menjëhershëm në Gaza dhe që “ndihmë e plotë humanitare” të dërgohet atje, raportoi BBC. Mendohet se ishin rreth 100,000.
Flamuj palestinezë janë valëvitur rrugëve bashkë me thirrjet e tyre “Palestina do të jetë e lirë”.
Kurse ajri është mbushur me tymin gjelbër e kuq.
Në 24 orët e fundit, protesta të ngjashme janë mbajtur në tërë botën, si në Tajlandë, Australi, Holandë, Afrikë dhe shtete arabe. Por, në ditët e fundit protesta ka pasur edhe në të tjera vende, një prej të cilave ndodhi në Capitol të SHBA-së.
Janë bërë dy javë që kur Hamasi nisi një sulm të befasishëm në Izrael e që Izraeli iu kundërvu duke e bombarduar Gazën që nga atëherë. Viktimat nga të dyja anët janë me mijëra.
