Policia Kufitare e Bosnjë-Hercegovinës, ka ndaluar një rast të kontrabandimit me njerëz. Dhe kjo nuk është asgjë e rë. Mirëpo, siç ka njoftuar ky institucion, shkruan “Klix” të mërkurën, personat ishin fshehur në rezervuarin e cisternës.
Zbulimi u bë në vendkalimin kufitar Donji Svilaj, ne kufi me Kroacinë.
Shoferi, një shtetas i Bosnjës, u arrestua, ndërkohë katër migrantët me origjinë afrikane që synonin kalimin në Kroaci, iu dorëzuan autoriteteve kompetente.
Rezervuari ishte pajisur me një flladitëse për t’iu krijuar sado pak kushte migrantëve të ngujuar në të.
