Në ditën kur Vladimir Putin urdhëroi ushtarët e tij të hynin në Ukrainë, Arina kishte planifikuar një klasë kërcimi pas punës dhe më pas një festë. Tri ditë më vonë, mësuesja e anglishtes po bënte kokteje molotov në një park.
Ekipi i BBC-së e gjeti të strukur në bar me dhjetëra gra të tjera, duke grirë copa polistireni sikur të ishin djathë dhe duke grisur çarçafë në lecka për shishe bomba të montuara vetë.
Skena të tilla janë të paimagjinueshme për shumicën në Evropë. Edhe këtu dikur ishin të pamendueshme.
“Ne vetëm duhet të bëjmë diçka”
Por Dnipro tani po përgatitet të mbrohet kundër avancimit të trupave ruse.
Edhe
Sulmet e Rusisë detyrojnë evakuimin e fëmijëve ukrainas
"Askush nuk mendoi se kështu do ta kalonim fundjavën tonë, por duket si e vetmja gjë e rëndësishme për të bërë tani", tha Arina, me fytyrën dhe flokët e mësueses së re të spërkatur me pluhur të bardhë nga polistireni.
"Është shumë e frikshme. Unë mendoj se ne nuk e kuptojmë vërtet se çfarë po bëjmë; ne vetëm duhet të bëjmë diçka", tha ajo për BBC-në.
Disa metra më tutje, Elena dhe Julia thanë se i kishin lënë fëmijët e tyre me gjyshërit për të ardhur dhe për të ndihmuar në prodhimin e këtyre armëve.
"Të ulesh në shtëpi pa bërë asgjë do të ishte edhe më e frikshme", tha Elena, duke mos u ndalur për asnjë sekondë.
Ajo qesh se është një kuzhiniere e mirë dhe ky proces nuk është aq i ndryshëm. "Nuk mund ta besoj se kjo po ndodh me ne, por çfarë zgjedhje kemi ne? Askush nuk na konsultoi për asgjë”, tha Elena.
Gjithkush po ndihmon disi
Ajo ndihet sikur i gjithë ky qytet është tronditur dhe po vepron.
Shkallët e një salle aty pranë janë të mbushura me rroba të dhuruara, batanije dhe plaçka të tjera. Një lumë njerëzish vazhdojnë të mbërrijnë me më shumë - duke përfshirë benzinë, ujë dhe pajisje tualeti - ndërsa vullnetarët japin zëshëm udhëzimet se ku t'i çojnë të gjitha.
Furnizimet janë për luftëtarët ukrainas, si dhe këdo që detyrohet të ikë në Dnipro nga luftimet diku tjetër.
Por është gjithashtu një rezervë për nëse qyteti strategjik bie vetë nën rrethim.
Përpjekja gjigante u nis nga pesë gra dhe një pjesë e vogël e postimeve në mediat sociale.
Tani, dhjetëra njerëz po koordinojnë një përpjekje të madhe ndihme që duket kaotike, por është çdo gjë e tillë, përshkruan BBC-ja.
Edhe
Mënyra e çuditshme e rusëve për t’i mbështetur ushtarët
Ka një zonë krejtësisht të veçantë për ata që duan të marrin një armë dhe të regjistrohen për të luftuar; radha e vullnetarëve është e gjatë.
"Organizatat zyrtare nuk ia dolën dot, kështu që ne krijuam këtë qendër", më tha Katerina Leonova, me telefonin e saj të shkëputur nga veshi për një moment.
"A beson vërtet Putini se mund të marrë Ukrainën dhe ta nxjerrë Rusinë nga Ukraina? Ne nuk jemi të frikësuar këtu. Jemi të zemëruar", tha ajo.
Morali i lartë
Dnipro tashmë e ka ndier koston e kësaj lufte.
Të 400 shtretërit në spitalin ushtarak janë plot dhe stafi tani po pranon qindra viktima çdo ditë. Ata kanë ngritur shtretër nëpër korridore për të përballuar fluksin.
"Ne jemi në një kulm, mendoj. Ka luftime nga të gjitha anët tona", më tha zëdhënësi i spitalit Sergei Bachinsky.
"Më parë, ne e dinim saktësisht se ku po zhvilloheshin përleshjet dhe mund të përgatiteshim për të pritur të plagosurit edhe para se të evakuoheshin te ne. Tani fluksi është konstant”.
Ushtria nuk mund të përdorë helikopterë - forcat ruse do t'i rrëzojnë ata. Rrugës duhet shumë më tepër kohë për të arritur kujdesin urgjent.
Por Sergei këmbënguli se morali ishte i lartë, edhe në mesin e të plagosurve.
"Edhe burrat me djegie ose tronditje të trurit duan të kthehen në njësitë e tyre për të vazhduar luftën", tha ai për ekipin e BBC-së.
Teksa folëm, dy autobusë dolën nga portat e spitalit plot me ushtarë. Të plagosurit në këmbë po transferoheshin në objekte diku tjetër në Ukrainë, duke liruar shtretërit më afër vijës së frontit.
Edhe
Birraria ukrainase prodhon molotovë me fotografinë e Putinit të zhveshur
Nuk ka mungesë të furnizimeve për ta. Njerëzit sjellin në spital qese me ilaçe, shiringa dhe fasha pa pushim. Pashë një burrë që dorëzonte një grup të vjetër patericash. Asgjë nuk u refuzua.
Dnipro po përballet me luftën. Një qytet i tërë po mblidhet organizueshëm. Por presioni mbi të po rritet gjithnjë.
