Kancelarja gjermane, Angela Merkel, ka marrë pjesë në mbledhjen e kabinetit qeveritar të Izraelit bashkë me kryeministrin Naftali Bennet, ku është diskutuar për programin bërthamor të Iranit. Derisa ka mirëpritur Merkelin, kryeministri izraelit ka thënë se bota nuk mund të mbajë qëndrim neutral kundrejt Iranit.
Kjo është vizita e fundit zyrtare e Merkelit në Izrael gjatë gjashtëmbëdhjetë vjetëve të saj në krye të ekonomisë më të madhe evropiane. Merkeli ka shprehur përkrahje pothuajse të palëkundur për Izraelin gjatë gjithë qeverisjes së saj.
Edhe pas largimit të saj nga detyra pas formimit të koalicionit të ri qeveritar, nuk pritet ndryshim i qasjes së Gjermanisë kundrejt shtetit izraelit.
Gjermania ishte lidere gjatë negociatave të vitit 2015 për marrëveshjen ndërkombëtare për programin atomik të Iranit. Marrëveshja u prish më 2018 pas tërheqjes së presidentit të atëhershëm Donald Trump. Presidenti Joe Biden po mundohet ta ringjallë marrëveshjen pavarësisht kundërshtimeve izraelite.
-
Netanyahu: Izraeli nuk është palë e marrëveshjes SHBA-Iran
-
Kancelari gjerman niset për në Washington nën hijen e konfliktit në Lindjen e Mesme
-
Irani dhe grupi evropian E3 zhvillojnë bisedime të hapura për programin bërthamor
-
Merz: S’ka arsye për t’u kritikuar sulmi amerikan mbi Iranin
-
Takimi Evropë-Iran jep shpresë, jo përparim