Operacionet në centralin bërthamor në Zaporizhzhia të Ukrainës, të kontrolluara nga Rusia, janë ndalur plotësisht si masë sigurie, për shkak të frikës për katastrofë rrezatimi, ka shkruar të dielën “Al Jazeera”.
Energoatom, agjencia shtetërore përgjegjëse për centralin, tha në këtë ditë vikendi se puna në objekt u ndalua plotësisht pasi shkëputi njësinë e energjisë numër 6 nga rrjeti në orën 3:41 të mëngjesit.
“Po bëhen përgatitjet për ftohjen dhe kalimin e tij në gjendje të ftohtë”, thuhet në një deklaratë.
Kievi të mërkurën u bëri thirrje banorëve të zonave të pushtuara nga Rusia përreth centralit më të madh në Evropë, të evakuohen për sigurinë e tyre.
Rusia dhe Ukraina akuzojnë njëra-tjetrën për dëmtimin e linjave të energjisë që lidhin termocentralin me rrjetin me zjarr, raketa dhe artileri, duke rrezikuar për fatkeqësi bërthamore.
Presidenti ukrainas, Volodymyr Zelenskyy, ka bërë thirrje që zona përreth të çmilitarizohet.
Edhe
Termocentrali i Zaporizhzhias humb burimin e fundit të energjisë së jashtme
Fabrika atomike, një nga 10 stacionet më të mëdha bërthamore në botë, është pushtuar nga forcat ruse që në fazat e hershme të luftës.
Energoatom u bëri thirrje forcave ruse të largohen nga centrali Zaporizhzhia dhe të lejojnë krijimin e një zone të çmilitarizuar rreth tij.
Agjencia Ndërkombëtare e Energjisë Atomike, mbikëqyrësi bërthamor i Kombeve të Bashkuara që ka dy ekspertë në termocentral, ka bërë gjithashtu thirrje për një zonë të sigurt rreth centralit për të shmangur fatkeqësitë.
