Mbi 20 milionë ka shkuar numri i të infektuarve në botë nga koronavisuri. Shifra aktuale e të infektuarve është 20,092,855.
Pandemia e koronavirusit u shpall në muajin mars nga Organizata Botërore e Shëndetësisë (OBSH).
Rastet e para u paraqitën për herë të parë në Kinë, në fund të vitit 2019.
Shtetet e Bashkuara e kanë akuzuar Kinën dhe OBSH-në se kanë fshehur të dhënat për bartjen e virusit nga njeriu në njeri, në fillimet e paraqitjes së tij.
Më shumë se një e katërta e rasteve të botës janë regjistruar në Shtetet e Bashkuara, e cila ka shënuar më shumë se 163,000 njerëz të vdekur nga COVID-19.
OBSH-ja ka thënë se 165 vaksina janë duke u zhvilluar në të gjithë botën, dhe gjashtë prej tyre deri më tani duke arritur fazën e 3-të të vlerësimit klinik.
Në disa shtete evropiane janë vendosur masa shtesë për të parandaluar përhapjen e koronavirusit, pasi në javët e fundit është shënuar rritje e numrit të të infektuarve.
