-
Përktheu:
Flutura Gashi-Mehmeti
- 10 maj 2024 17:31
- Shpërndaje në:
Shirat janë rikthyer në Rio Grande do Sul të premten, derisa numri i të vdekurve nga përmbytjet historike në shtetin më jugor të Brazilit arriti në 113, sipas autoriteteve lokale.
Stuhitë dhe përmbytjet që godasin shtetin, shtëpia e rreth 10.9 milionë njerëzve, kanë lënë gjithashtu më shumë se 337,000 të zhvendosur, ndërsa 146 persona të tjerë janë ende të pagjetur, kanë thënë zyrtarë të mbrojtjes civile, raporton Reuters.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoShirat e dendur kanë bërë që disa lumenj dhe liqene në rajon të arrijnë nivelet më të larta ndonjëherë, ndërsa përmbytjet bllokuan rrugët dhe ndërprenë logjistikën, duke shkaktuar mungesë të mallrave thelbësore në zona të caktuara.
Parashikuesi i motit MetSul ka thënë se shumica e qyteteve të Rio Grande do Sul duhet të kenë shira të premten, duke shtuar se ekziston një "rrezik i lartë stuhish".
Në Canoas, një nga qytetet më të prekura pranë kryeqytetit të shtetit Porto Alegre, mbi 6,000 njerëz po qëndrojnë në një gjimnaz kolegji të kthyer në strehë.
Qeveria e shtetit ka thënë se më shumë se 385,000 njerëz kanë mbetur pa shërbime uji, ndërsa rreth 20 qytete janë jashtë shërbimeve të telekomit.