Kryeministrja britanike, Theresa May i kërkoi sot, në kuadër të G20-ës në Japoni, presidentit rus, Vladimir Putin për të ndalur aktet e destabilizimit që kërcënojnë Britaninë e Madhe dhe aleatët e saj.
‘’Pa këtë frymë nuk do të mund të ketë normalizim të marrëdhënieve dypalëshe’’, paralajmëroi ajo, sipas një zëdhënësi i Downing Street.
Ky është takimi i parë mes dy liderëve prej helmimit të ish-agjentit rus, Sergei Skripal, në 2018 në territorin britanik.
Gjatë takimit me Putin, May pohoi se kishte prova të pakundërshtueshme se Rusia qëndronte pas këtij sulmi.
Pavarësisht nga toni i ftohtë i takimit, kryeministrja britanike u shpreh e hapur për mundësinë e një marrëdhënie ndryshe, por për këtë, sipas saj, ”qeveria ruse duhet të zgjedhë një rrugë tjetër”./Atsh/
-
Ukraina dhe aleatët evropianë paraqesin pesë kushte për paqe të qëndrueshme me Rusinë
-
Tusk: Traktati i ri Britani-Poloni do të përqendrohet në mbrojtjen kundër Rusisë
-
Putini i thotë Xi-së se marrëdhëniet Rusi-Kinë kanë arritur një nivel të paparë
-
Britania dërgon ushtrinë për të penguar nëndetëset ruse nga ujërat e saj
-
Trump: Rusia pajtohet me armëpushim të pjesshëm