Marina e Shteteve të Bashkuara të Amerikës ka testuar një armë me laser dhe me sukses ka shkatërruar cakun. Sistemi i armëve me laser mund të përdoret kundër dronëve me bomba që janë përdorur nga rebelët houthi në Detin e Kuq në afërsi të Jemenit.
Testi u krye nga luftanija USS Portland që kishte cakun në Gjirin e Edenit, që ndan Afrikën e Jugut nga Gadishulli Arab. Marina amerikane e ka cilësuar si test shumë të suksesshëm përdorimin e armës laserike. Anija Portland edhe në majin e vitit 2020 përdori armën me laser për të rrëzuar një dron.
Jemeni është përfshirë në luftë që prej vitit 2014 kur rebelët houthi morën kontrollin e kryeqytetit Sanaa. Në këtë konflikt është përfshirë edhe Arabia Saudite gjatë vitit 2015. Jemeni cilësohet si katastrofa më e rëndë humanitare në botë dhe në luftën e gjatë kanë vdekur më shumë se 110 mijë persona.
Rebelët houthi kanë aktivizuar dronët me ndihmën e Iranit. Republika Islamike ka mohuar përfshirjen në luftën e Jemenit duke armatosur rebelët.
-
SHBA-ja mund të ketë kryer krim lufte me një sulm mbi Jemen, thotë Amnesty International
-
Houthit sulmojnë dy anije saudite në Detin e Kuq, SHBA-ja vazhdon sulmet ndaj Iranit
-
Houthit hapin një front të ri në luftën SHBA - Iran
-
Houthit godasin me raketa Arabinë Saudite
-
SHBA-ja dhe Irani kryejnë sulme të reja, goditet aeroporti i Kuvajtit