Presidenti francez dhe kancelari gjerman do të shkojnë në Moskë dhe Kiev në javët e ardhshme, duke shtuar përpjekjet diplomatike për të penguar presidentin rus Vladimir Putin, nga nisja e një pushtimi në Ukrainë dhe për të gjetur një rrugëdalje nga tensionet në rritje.
Emmanuel Macron i Francës është planifikuar të vizitojë Moskën të hënën dhe Kievin të martën, ndërsa Olaf Scholz i Gjermanisë do të udhëtojë në Kiev më 14 shkurt dhe në Moskë më 15 shkurt.
Vizitat e nivelit të lartë vijnë pasi Kina ka mbështetur kërkesën e Rusisë që NATO-ja të përjashtohet nga zgjerimi në Ukrainë. Po ashtu, këto vizita do të zhvillohen pasi SHBA-ja akuzoi Kremlinin të enjten për një komplot për të sajuar një sulm nga forcat ukrainase, që Rusia mund ta përdorte si pretekst për të ndërmarrë veprim ushtarak.
Ndërkohë, Shtetet e Bashkuara nuk kanë dhënë informacione të detajuara që mbështesin pretendimet, të cilat Moska i ka mohuar me forcë.
Ndërsa Franca është një lojtar kryesor në NATO dhe po lëviz trupat në Rumani si pjesë e përgatitjes së aleancës për veprime të mundshme ruse, Macroni ka qenë gjithashtu duke nxitur në mënyrë aktive për dialog me Putinin dhe ka folur me të disa herë në javët e fundit. Të dy do të mbajnë një takim kokë më kokë të hënën, tha zyra e Macronit të premten.
Rusia ka grumbulluar më shumë se 100,000 trupa pranë kufijve veriorë dhe lindorë të Ukrainës, duke ngritur shqetësimin se Moska mund të pushtojë përsëri, siç bëri në vitin 2014.
Kremlini ka mohuar se është planifikuar një pushtim dhe ka kërkuar garanci nga Perëndimi se Ukraina nuk do të bashkohet kurrë me bllokun, vendosja e armëve të NATO-s pranë kufijve rusë do të ndalet dhe se forcat e aleancës do të tërhiqen nga Evropa Lindore.