Një nga themeluesit e kartelit të drogës, Medellin, është rikthyer në Kolumbi pasi kaloi më shumë se 20 vjet burgim në Shtetet e Bashkuara të Amerikës për trafikim droge.
Fabio Ochoa Vasquez, tani 67-vjeçar, u dëbua nga qeveria amerikane dhe mbërriti në Bogota të hënën si njeri i lirë.
Ochoa ishte një prej themeluesve të kartelit famëkeq dhe ishte ndër shërbyesit më të lartë të lordit të famshëm të drogës Pablo Escobar.
Karteli i Medellinit dominoi tregun e kokainës dhe nisi fushatë të dhunshme ndaj shtetit kolumbian deri në vrasjen e Escobarit më 1993.
Pas arritjes në Bogota, zyrtarët e imigrimit monitoruan shenjat e gishtave përmes databazës së tyre, ka njoftuar Agjencia e Imigrimit.
Duke konfirmuar se ai nuk kërkohet nga autoritetet kolumbiane, kjo agjenci ka thënë se Ochoa është i lirë “të ribashkohet me familjen”.
Edhe
Meksika ekstradon në SHBA trafikantin famëkeq të drogës
Ochoa ishte arrestuar më 1999 krahas 30 të tjerëve, ndërsa më 2001 ishte dërguar në SHBA.
Bashkë me vëllezërit e tij, Ochoa ishte i pari prej udhëheqësve që u dorëzua nën një program të mëhershëm. Ky program i mbronte pjesëtarët e kartelit nga ekstradimi në SHBA, nëse do të pranonin fajësinë për shkelje të lehta në Kolumbi.
Ai dhe vëllezërit u liruan nga burgu më 1996, por Ochoa u arrestua sërish. Më 2003, ai u dënua me 30 vjet burgim nga një gjykatë në SHBA për përfshirjen në kartel që kishte dërguar rreth 30 tonë kokainë çdo muaj në periudhën 1997-1999.
