Një lojë e çuditshme, e rrezikshme për të shënjestruar dhe përplasur anije të vogla lundrimi dhe peshkimi po përhapet në një popullatë orkash në brigjet e Spanjës.
Shkencëtarët thonë se të paktën 20 orka iberike tani e kanë mësuar këtë sjellje duke kopjuar orkat tjera.
Besohet se një ose dy orka filluan të ndërveprojnë dhe të dëmtojnë anije të vogla lundrimi në vitin 2020.
Shkencëtarët i thanë BBC-së se kafshët duket se po "luajnë" me varkat në vend që të veprojnë në mënyrë agresive, shkruan BBC.
"Është vetëm një lojë. Nuk është hakmarrje [kundër varkave], nuk është ndryshim klimatik, është thjesht një lojë dhe kaq," tha Dr Renaud de Stephanis, një shkencëtar me bazë në bregun jugor të Spanjës.
Edhe
“Pika e ftohtë” misterioze në oqean – studimi thotë se është shenjë e keqe
Dr de Stephanis është president i Konservimit, Informacionit dhe Kërkimit mbi Cetace (CIRCE), një organizatë për ruajtjen e detit. Ai tha se orkat, të njohura gjithashtu si balenat vrasëse, dukej se po luanin një "lojë" të fokusuar në timonët e varkave - pjesë e aparatit drejtues të lëvizshëm që ulet në ujë.
Ai dhe kolegët e tij tani kanë ngjitur etiketat e gjurmimit satelitor në pendët e dy prej më pak se 60 kafshëve në këtë popullatë, e cila është e rrezikuar në mënyrë kritike.
