Presidenti i Bjellorusisë, Aleksandër Llukashenko është betuar për një mandat të ri, tha agjencia zyrtare e lajmeve Belta. Inaugurimi u krye në mënyrë të papritur dhe pa një njoftim paraprak, transmeton VizionPlus.
Në një situatë normale, ceremonia, do të publikohej paraprakisht si një rast i madh shtetëror. Por, pretendimet e Llukashenkos se fitoi zgjedhjet e 9 gushtit shkaktuan javë të tëra protestash në Minsk, pasi opozita e akuzoi atë për manipulim masiv të votave.
“Belta” tha se në ceremoninë e betimit morën pjesë qindra njerëz.
Bjellorusia po përballet me mundësinë e sanksioneve të SHBA dhe Bashkimit Evropian mbi zgjedhjet e diskutueshme presidenciale të 9 gushtit.
Hetuesi i të drejtave të njeriut të Kombeve të Bashkuara Anais Marin tha javën e kaluar se më shumë se 10 mijë njerëz ishin “arrestuar në mënyrë abuzive” që nga zgjedhjet, ndërsa qindra të tjerë janë torturuar.
-
Lukashenko për herë të shtatë në krye të Bjellorusisë: Gjysma e botës ëndërron diktaturën tonë
-
Bjellorusët marshojnë kundër Lukashenkos
-
Lukashenko synon ndryshime kushtetuese, përmend largimin nga pushteti
-
Lukashenko shtyp demonstratat në mbarë vendin
-
Protesta të ashpra në Bjellorusi, policia arreston qindra persona