India ka miratuar një ligj për shtetësinë që përjashton myslimanët, një komunitet shqetësimet e të cilit janë rritur nën qeverinë nacionaliste hindu të kryeministrit Narendra Modi.
Ligji vendos një test fetar për migrantët nga çdo besim i madh i Azisë Jugore, përveç islamit. Kritikët argumentojnë se ligji është një provë e mëtejshme se qeveria e Modit po përpiqet të riformësojë vendin në një shtet hindu dhe të margjinalizojë myslimanët.
Ligji i Shtetësisë ofron një rrugë të shpejtë drejt marrjes së shtetësisë për qytetarët e besimeve përveç myslimanëve. Është hera e parë që India si shtet laik ka vënë kritere fetare për nënshtetësi, raportoi AP.
Ligji ka qenë një prej premtimeve kryesore të Modit para zgjedhjeve. Qeveria e tij ka mohuar se ai është diskriminues. Ligji u aprovua nga Parlamenti në vitin 2019, por Qeveria e bllokoi pas protestave ku pati dhjetëra të vrarë.
-
India voton në fazën e tretë të zgjedhjeve, Modi ashpërson retorikën kundër myslimanëve
-
Kryeministri indian redukton eskortën e tij për të kursyer naftën
-
Gjermania dhe India nënshkruajnë marrëveshje për ekonominë dhe sigurinë
-
Gjermania e shfuqizon programin e marrjes së përshpejtuar të nënshtetësisë
-
India deporton ilegalisht myslimanët nën kërcënim të armës