Kryeministri rus, Mikhail Mishustin të hënën u bëri thirrje anëtarëve të kabinetit të tij që të qëndrojnë të bashkuar në përkrahje të presidentit Vladimir Putin pas krizës më serioze politike të vendit në dekada.
Në mbledhjen e kabinetit, Mishustin i vlerësoi ministrat për veprimet koherente gjatë rebelimit të ushtarëve mercenarë të Wagnerit.
Ai ka shtuar se duhet të ruhet uniteti i të gjitha forcave duke u rreshtuar pas presidentit.
Të shtunën, ushtarët e Grupit Wagner morën për pak kohë një bazë ushtarake ruse në një marshim kërcënues drejt Moskës, por u larguan të nesërmen.
Kremlini ka njoftuar se ka bërë marrëveshje që lideri i grupit Yevgeny Prigozhin të transferohet në Bjellorusi dhe me këtë të marrë amnisti, së bashku me ushtarët e tij. Ndërkaq, Komiteti Kombëtar kundër Terrorizmit i Rusisë ka njoftuar se situata në vend është e qëndrueshme.
-
Putini riemëron Mikhail Mishustinin si kryeministër
-
Putini gjen lider të ri të “Wagnerit” për luftën në Ukrainë
-
Putin takohet me ish-komandantin e Wagnerit, i kërkon ndihmë për Ukrainën
-
Putini i urdhëron luftëtarët e Wagnerit të betohen për besnikëri ndaj shtetit rus
-
Prigozhini njëherë sfidoi Putinin e pastaj vdiq