Virusi që e shkaktoi pandeminë COVID-19 mund të ketë nisur së përhapuri në Kinë qysh në tetorin e 2019-s, dy muaj para se rastet e para të sëmundjes të shfaqeshin në qytetin Wuhan.
Një përfundim i tillë është nxjerrë nga studimi më i ri i kryer nga Universitetit britanik Kent.
Shkencëtarët kanë përdorur metodat nga shkenca e konservimit për të vlerësuar se virusi është shfaqur nga fillimi i tetorit deri në mes të nëntorit.
Ata kanë vlerësuar se data e shfaqjes së virusit ka gjasa të jetë 17 nëntori i vitit 2019, ndërkaq në botë është shpërndarë në janarin e 2020-s.
Rasti i parë në Kinë është konfirmuar zyrtarisht në dhjetorin e 2019-s dhe ishte i lidhur me një treg të ushqimit të detit. Megjithëkëtë, studimi ka treguar se rastet e para nuk dihet nëse kanë pasur ndonjë lidhje me tregun, duke e rritur kësisoj mundësinë se virusi mund të ketë qarkulluar edhe para se të arrinte në tregun e ushqimit të detit.
Studimi i përbashkët i Kinës dhe Organizatës Botërore të Shëndetësisë e kishte pranuar më herët mundësinë se infektimi i njerëzve ka mundur të ndodhte para se të niste përhapja në Wuhan.
-
Shkencëtarët kinezë më në fund publikojnë informacionet për origjinën e COVID-19
-
Studimet zbulojnë se COVID-i rrodhi nga tregu në Wuhan ku shitej mish i kafshëve të egra
-
Koronavirusi dhe origjina: A duhet ditur burimi i COVID-19?
-
COVID-19 ishte prezent në SHBA qysh në dhjetor të 2019-s, thotë një studim
-
OBSH-ja do të rekomandojë kërkime shtesë për kontaktet e pacientit të parë me COVID-19 në Kinë