Koreja e Veriut ka lëshuar një raketë balistike në brigjet lindore të Gadishullit Korean të dielën, kanë thënë shefat e përbashkët të shtabit të Koresë së Jugut.
Raketa u hodh nga zona Sunan e Koresë së Veriut, rreth orës 7:52 të mëngjesit me orën lokale.
Ministri japonez i Mbrojtjes, Nobuo Kishi, ka deklaruar se Koreja e Veriut lëshoi "të paktën një raketë balistike", që fluturoi një distancë prej 300 kilometrash (186 milje) dhe në një lartësi maksimale prej 600 kilometrash (373 milje), raporton CNN.
Gjuajtja e raketës të së dielës është e para e Phenianit që nga 30 janari, kur Koreja Veriore gjuajti atë që pretendonte se ishte një raketë balistike me rreze të ndërmjetme Hëasong-12 (IRBM), raketa balistike me rreze të gjatë veprimi që nga viti 2017. Testi i së dielës ishte i një rakete me rreze më të shkurtër se testi i atëhershëm, sipas vlerësimeve të dhëna nga Japonia.
Këshilli i Sigurisë Kombëtare i Koresë së Jugut (NSC) tha se lëshimi ishte "i padëshirueshëm" për stabilizimin e paqes derisa bota po përpiqet të zgjidhë luftën në Ukrainë, sipas zyrës presidenciale të Koresë së Jugut.
Edhe
Koreja e Jugut lëshon të shtëna paralajmëruese ndaj trupave të Koresë së Veriut që kaluan kufirin
NSC ka shprehur gjithashtu shqetësim për lëshimin, i cili shënon testin e tetë të raketës këtë vit, dhe i kërkoi veriut "të ndalojë menjëherë veprimet në kundërshtim me zgjidhjen paqësore përmes diplomacisë".
Nisja më e re vjen më pak se dy javë përpara zgjedhjeve presidenciale të Koresë së Jugut më 9 mars, në të cilat Koreja e Veriut ka të ngjarë të jetë një çështje kyçe elektorale. Nëse kandidati konservator Yoon Suk Yeol është i suksesshëm, analistët presin që ai të mbajë një qëndrim shumë më të ashpër kundër Veriut në krahasim me presidentin aktual Moon Jae-in.
