Komunistët përkujtojnë Leninin në 99-vjetorin e vdekjes

Komunistët në Rusi kanë lënë kurora lulesh në mauzoleun e Leninit në Sheshin e Kuq të Moskës për të shënuar 99-vjetorin ne vdekjes së Vladimir Leninit.

Kryekomunisti rus, Gennady Zyuganov ka lavdëruar arritjet e Leninit dhe i ka bërë thirrje qeverisë së presidentit Vladimir Putin që të mësojë nga Lenini se si të fitohet konflikti në Ukrainë. Ai ka thënë se tre-katër muajt e ardhëm Rusia do të përballet me ndryshime radikale në frontin e luftës.

Sipas tij, kjo do të ndodhë për shkak të potencialit shumë të madh ushtarak të Evropës dhe Amerikës.

Lideri i komunistëve ka thënë se vetëm Lenini do të fitonte në kushte kaq emergjente. Vladimir Lenini shërbeu i lider i qeverisë së Rusisë Sovjetike nga viti 1917 deri më 1924 dhe lider i Bashkimit Sovjetik nga viti 1922 deri më 1924.