Kompjuteri i ushtrisë gjermane, me të dhëna të klasifikuara, shitet në “Ebay”

Hetuesit gjermanë të sigurisë kanë zbuluar të hënën informata lehtësisht të qasshme e të klasifikuara ushtarake në një laptop, që kohë më parë ishte shitur përmes “Ebay”-it, raporton KOHA.

Ekspertë të sigurisë nga “G Data”, me seli në qytetin perëndimor gjerman Bochum, e blenë një laptop të përdorur të Bundeswehrit për një çmim prej 90 eurosh.

Në këtë kompjuter, megjithatë, ndodheshin një sërë dokumentesh, përfshirë udhëzimet se si të shkatërrohet një sistem i mbrojtjes ajrore “LeFlaSys Ozelot”.

“LeFlaSys Ozelos” është një sistem mobil i mbrojtjes ajrore raketore që është operacionalizuar për herë të parë më 2001 dhe është në përdorim edhe sot e kësaj dite. Sistemi tokë-ajër përdoret për reagime të shpejta në raste të kërcënimeve ajrore, për mbrojtjen e qendrave komanduese dhe trupave në veprim.

Dosjet ishin të vendosura në folderin “VS-Nur für den Dienstgebrauch” — që është klasifikimi i nivelit më të ulët të sekretit.

Eksperti i sigurisë “G Data”, Tim Berghoff, ka thënë se kompjuteri peshonte 5 kilogramë dhe ishte përdorur në terrene ushtarake. Berghoff ka thënë se pajisja ishte prodhuar dikur nga fillimi i viteve 2000 dhe se funksiononte akoma në gjendje shumë të mirë.

Edhe Botë 4 shk 2026 Dronët për të cilët Gjermania do të shpenzojë mbi 250 mln euro s’kanë dhënë rezultat në Ukrainë

“Kompjuteri që e siguruam përmban informata gjithëpërfshirëse teknike rreth sistemit ‘LeFlaSys’, përfshirë udhëzimet hap pas hapi për operim, si dhe për mirëmbajtje. Informatat se si të operohet me sistemin e përvetësimin e caqeve, si dhe për vetë platformën e armëve, mund të gjenden në këtë kompjuter, dhe, natyrisht, edhe udhëzimet se si të shkatërrohet i gjithë sistemi për ta pamundësuar përdorimin e tij nga forcat armiqësore”, ka thënë Berghoff, njofton DW.

Tekstin e plotë mund ta lexoni sot falas në Kohën Ditore. Klikoni këtu për t'u regjistruar.