Piloti i një aeroplani privat që u rrëzua dy ditë më parë në Virginia me ç’rast vdiqën katër persona, është parë i rrëzuar në kabinë.
Siç raportohet, të vdekur në aksidentin e së dielës mbetën vetë piloti dhe tre pasagjerë të tjerë.
Aeroplani Cessna Citation kaloi hapësirën ajrore të kufizuar mbi Uashington përpara se të binte në Virginia.
Dy avionë luftarakë F-16 ishin vënë pas tij, të cilët me shpejtësi supersonike u munduan ta ndalonin që të binte, por pa sukses.
Piloti ishte i heshtur përgjatë dy orëve të fluturimit dhe pasi mbeti pa karburant, aeroplani u rrëzua në një zonë malore me pyje të dendur.
Nuk është e qartë pse piloti nuk reagoi.
Edhe
Rrëzohet një aeroplan në SHBA, s’ka të mbijetuar
Katër personat që vdiqën nuk janë identifikuar zyrtarisht, por një biznesmen tha se anëtarët e familjes së tij ishin në bord.
John Rumpel, 75 vjeç, i cili drejton biznesin që zotëronte aeroplanin, tha për New York Times se vajza e tij, mbesa dyvjeçare dhe dadoja e saj ishin në aeroplan së bashku me pilotin.
