Qeveria kanadeze ka thënë të mërkurën se u ka vënë sanksione më shumë se 200 njerëzve që janë të lidhur me presidentin rus, Vladimir Putin, në rajonin lindor të Ukrainës, Donbas, raportoi AP-ja.
Forcat ruse kanë mbështetur rebelët separatistë në Donbas për tetë vjet pas aneksimit të Krimesë nga Rusia më 2014.
Sanksionet kanadeze fokusohen në përpjekjen e vazhdueshme ruse për të aneksuar zonat e Donbasit duke targetuar njerëzit që përpiqen të mbështesin luftën dy-mujore ruse kundër Ukrainës.
“Kanadaja nuk do të qëndrojë duarkryq dhe të shikojë presidentin Putin dhe bashkëpunëtorët e tij duke u përpjekur të rishikojnë kufijtë e Ukrainës pa u ndëshkuar”, tha në një deklaratë ministrja e Punëve të Jashtme e Kanadasë, Melanie Joly.
“E drejta ndërkombëtare duhet të respektohet”, shtoi ajo.
-
Kanadaja vendos sanksione të reja për Rusinë, përfshirë dy vajzat e Putinit
-
BE-ja vendos sanksione për rrëmbimin nga Rusia të mijëra fëmijëve ukrainas
-
Putini zotohet ta marrë Donbasin me çdo mjet
-
Ukraina me sanksione “masive” ndaj grupeve mafioze ruse
-
Zelensky sanksionon qindra mbështetës të sistemit ushtarak rus