Presidenti i Kinës, Xi Jinping, ka thënë se bota duhet të shmangë një lloj të Luftës së Ftohtë të re. Ai ka thënë se është e domosdoshme që të hiqet dorë nga mendësia e Luftës së Ftohtë. Lideri komunist ka kundërshtuar çfarëdo forme të përplasjes.
Pa iu referuar me emër Shteteve të Bashkuara të Amerikës, ka shprehur kundërshtimin ndaj shteteve që përdorin politika të njëanshme.
Kina dhe Shtetet e Bashkuara të Amerikës kanë ashpërsuar retorikën dhe veprimet pas përplasjeve të fundit të Kinës dhe aleatëve të amerikanëve në rajon.
Kina po akuzohet për politika që synojnë dominimin ekonomik e ushtarak në rajon, derisa SHBA-ja akuzon Kinën edhe për shkelje të të drejtave të njeriut dhe të tregtisë së lirë.
