Japonia ka marrë vendim të ndalojë eksportimin e mallrave në Rusi që lidhen me armët kimike, raportoi BBC-ja të hënën. Ky vendim, sipas kryesekretarit japonez, Hirokazu Matsuno, u mor si pjesë e sanksioneve shtesë ndaj Rusisë për shkak të agresionit mbi Ukrainë.
Japonia vendosi sanksione edhe ndaj 21 organizatave ruse, përfshirë edhe laboratorëve shkencorë.
Pos kësaj, Matsuno deklaroi se Japonia është “thellësisht e shqetësuar për përdorimin e mundshëm të armëve bërthamore nga Rusia”.
“Si i vetmi vend në botë që ka pësuar një sulm bërthamor, ne kërkojmë me forcë që kërcënimi ose përdorimi i armëve bërthamore nga Rusia të mos ndodhë kurrë”, shtoi përfaqësuesi i qeverisë japoneze.
thirrjes për mobilizim të ri, presidenti i Rusisë, Vladimir Putin, deklaroi se nuk po bën blof kur po përmend se mund të përdorë armë bërthamore për ta mbrojtur shtetin rus.
Edhe
Putini kërcënon sërish me armë bërthamore
Shtetet e Bashkuara të Amerikës u shprehën të gatshme për t’iu kundërpërgjigjur ndonjë sulmi eventual të Rusisë me armë bërthamore.
Sulmi i parë dhe i vetëm bërthamor në botë është kryer në Hiroshima dhe Nagasaki të Japonisë, më 6 dhe 9 gusht 1945. Pasojat ishin shkatërruese, duke lënë qindra mijëra viktima e shumë të plagosur.
