Një japonez është dënuar me vdekje pasi shkaktoi zjarrin në një studio animacioni në Kyoto në vitin 2019, ku mbetën të vdekur 36 persona dhe u lënduan dhjetëra të tjerë, shkruan BBC.
Incidenti, një nga më vdekjeprurësit në Japoni në dekadat e fundit, la të vdekur kryesisht artistë të rinj dhe tronditi botën e animacionit.
Shinj Aoba, 45 vjeç, u deklarua fajtor për sulmin, por avokatët e tij kishin kërkuar dënim më të lehtë duke argumentuar arsyet e “paaftësisë mendore”.
Gjyqtarët e refuzuan kërkesën, duke vendosur që Aoba e dinte se çfarë po bënte.
“Kam përcaktuar se i pandehuri nuk ishte i çmendur ose i dobët mendërisht në kohën e krimit. Vdekja e 36 personave është jashtëzakonisht e rëndë dhe tragjike. Frika dhe dhimbja e viktimave është e papërshkrueshme”, ka thënë gjyqtari Masuda të enjten në Gjykatën e Qarkut të Kyotos.
Edhe
Të paktën 20 të vdekur nga zjarri në një anije mallrash në Kinë
Shumë nga njerëzit vdiqën pasi u bllokuan në katet e sipërme të studios ndërsa zjarri u përhap.
Prokurorët kishin kërkuar dënimin me vdekje duke thënë se Aoba ishte i motivuar të sulmonte studion pasi besonte se vepra e tij ishte vjedhur.
