Ish-kreu i shërbimit gjerman të inteligjencës së jashtme, BND, August Hanning, është arrestuar nën dyshimin për spiunazh, raportojnë mediat gjermane.
Hanning, i cili drejtoi Bundesnachrichtendienst (BND) nga viti 1998 deri më 2005, dyshohet se ka marrë dokumente të klasifikuara përmes një ish-punëtori dhe i ka përdorur ato në kuadër të punës së tij si konsulent privat.
Sipas raportimit, dokumentet përfshinin raporte të inteligjencës të destinuara për Kancelarinë Federale të Gjermanisë, raportoi Deutsche Welle.
Sipas një hetimi të përbashkët të transmetuesve gjermanë WDR dhe NDR, si dhe gazetës Suddeutsche Zeitung, ndaj Hanningut po zhvillon hetime Prokuroria Federale e Gjermanisë.
Ai dyshohet për disa vepra penale, përfshirë spiunazh ndaj shtetit, nxjerrje të sekreteve shtetërore, tentativë për tradhti dhe veprimtari në cilësinë e agjentit të një shërbimi sekret.
Edhe
Gjermania rrezikon konflikt të armatosur me Rusinë, paralajmëron shefi i inteligjencës
Autoritetet gjermane po hetojnë edhe një ish-punonjës afatgjatë të BND-së, i cili dyshohet se ka ndihmuar në kryerjen e veprave të dyshuara, përfshirë tentativën për tradhti dhe spiunazhin ndaj shtetit.
Detajet e plota mbi dokumentet e klasifikuara dhe natyrën e informacionit që dyshohet se është transmetuar nuk janë bërë publike.
