Një gjykatë e Apelit ka pezulluar të enjten të drejtën e Rudy Giulianit për ta ushtruar profesionin e avokatit në New York, shkaku i deklarimeve të rreme të bëra në kohën kur po mundohej që ta zmbrapste humbjen e Donald Trumpit në garën zgjedhore.
Komisioni disiplinor i avokatisë ka bërë të ditur se pezullimi i licensës së Giulianit bazohet në dëshmitë e pamohueshme se ai ka gënjyer para gjykatave, publikut dhe ligjvënësve me rastin e ngritjes së teorive për vjedhjen e votave.
Vendimi do t’ia ndalojë Giulianit përfaqësimin e klientëve si avokat.
Si avokat personal i Trumpit, Guiliani u kishte dhënë hov gënjeshtrave mbi zgjedhjet e 2020-s, duke pretenduar se do ta sfidonte fitoren e Joe Bidenit, të cilën e kishte cilësuar si konspiracion të gjerë të demokratëve.