Instituti kryesor i Gjermanisë për sëmundje ngjitëse ka thënë se vaksina e parë kundër COVID-19 do të jetë e gatshme në vjeshtë, por paralajmëroi se mund të zgjasë më shumë vënia nën kontroll e pandemisë.
“Rezultatet preliminare kanë treguar mundësinë se një ose më shumë vaksina mund të jenë të gatshme në vjeshtën e 2020-ës”, ka thënë përmes një komunikate Instituti “Robert Koch”, të mërkurën, shkruan Reuters.
“Do të ishte e rrezikshme që në këtë pikë të besojmë se vaksina në vjeshtë do të mund ta kontrollonte pandeminë”, thuhet tutje nga ky institut, transmeton KOHA.
Instituti po ashtu ka thënë se ndikimi i një vaksine varet edhe nga mutacionet e virusit.
Të martën, Rusia u bë shteti i parë në botë që ka aprovuar një vaksinë kundër COVID-19.
Artikuj të ngjashëm
-
Spahn optimist se vaksina ndaj COVID-19 do të gjendet gjatë vitit të ardhshëm
-
Ekspertët alarmojnë Gjermaninë për valën e vjeshtës me COVID-19
-
Gjermania planifikon ta bëjë të detyrueshëm vaksinimin për disa vende pune
-
A janë vaksinat ndaj COVID-19 të sigurta për shtatzënat?
-
Oxfordi thotë se vaksina kundër varianteve të reja të koronavirusit mund të jetë e gatshme në vjeshtë