Mediat ruse identifikuan personin që hapi zjarr të enjten në selinë e Shërbimit Federal të Sigurisë në Moskë si Yevgeny Manyurov, 39 vjeç, i cili ka punuar si roje e sigurisë.
Ai vrau një oficer të këtij shërbimi dhe plagosi pesë të tjerë me armë automatike, para se të vritej nga një snajperist.
LEXO EDHE: Inteligjenca ruse sulmin e kualifikon si “akt terrorist”
Një nga të plagosurit është civil.
Në Kremlin, vetëm disa kilometra larg, presidenti rus, Vladimir Putin, ka qenë duke mbajtur takim me Shërbimin Federal të Sigurisë në kohën e sulmit.
Detajet për personin e armatosur u raportuan të premten nga e përditshmja qeveritare ruse, Rossiiskaya Gazeta, duke cituar burime të policisë.
Edhe
Të paktën 17 të vrarë në sulmin masiv rus në Kiev
Manyrov, kur ka hapur zjarr, "ka thirrur slogane tipike të (grupit militant) Shteti Islamik", raportoi gazeta Kommersant.
Shërbimi Federal i Sigurisë është shërbimi kryesor i inteligjencës ruse.
-
Zelensky akuzon Rusinë se “qëllimisht” ka shënjestruar vendin e UNESCO-s në Ukrainë
-
Rusia kërcënon Kievin me sulme të reja, u bën thirrje shtetasve të huaj ta lëshojnë atë
-
Një i vdekur dhe 21 të plagosur nga sulmet ruse në Kiev
-
Të shtëna pranë Shtëpisë së Bardhë, i dyshuari u vra nga Shërbimi Sekret