Zëvendëspresidentja amerikane, Kamala Harris, ka deklaruar se Rusia ka kryer krime kundër njerëzimit në Ukrainë.
"Ne kemi shqyrtuar provat. Ne i dimë standardet ligjore. Dhe nuk ka dyshim se këto janë krime kundër njerëzimit”, ka thënë Harris gjatë një fjalimi në Konferencën e Sigurisë që po zhvillohet në Mynih të Gjermanisë.
“SHBA-ja ka përcaktuar zyrtarisht se Rusia ka kryer krime kundër njerëzimit”, ka shtuar ajo.
Harris ka thënë se SHBA-ja do të vazhdojë t’i mbështesë hetimet ndërkombëtare për veprimet e Rusisë në Ukrainë.
“Unë u them të gjithë atyre që kanë kryer këto krime dhe eprorëve të tyre që janë bashkëpunëtorë në këto krime, do të mbaheni përgjegjës”, ka deklaruar Harris në Mynih.
Artikuj të ngjashëm
-
SHBA-ja akuzon Rusinë për përshkallëzim të rrezikshëm të luftës në Ukrainë
-
BE-ja me sanksione kundër prodhuesve rusë të dronëve pas sulmeve masive në Kiev
-
Rusia akuzon Evropën për zgjatjen e luftës në Ukrainë: Po bëhet kërcënim për paqen
-
Zelensky akuzon Rusinë se “qëllimisht” ka shënjestruar vendin e UNESCO-s në Ukrainë
-
BE-ja mban diplomatët në Ukrainë, dëshiron më shumë presion mbi Rusinë