Bashkimi Evropian është “shtyllë fundamentale” e Kombeve të Bashkuara dhe duhet të udhëheq në zgjidhjen e konflikteve dhe në promovimin e të drejtave të njeriut në gjithë botën, tha sot sekretari i përgjithshëm i OKB-së, Antonio Guterres, gjatë fjalimit të tij në Parlamentin Evropian.
“Evropa e bashkuar dhe e fuqishme është absolutisht shtyllë fundamentale e Kombeve të Bashkuara të fuqishme dhe efektive”, tha Guterres.
Mëtutje, ai ka kërkuar promovim dhe mbrojtje të të drejtave të njeriut dhe ka tërhequr vërejtjen se të drejtat e tilla gjithnjë e më tepër “po e humbin terrenin ndaj agjendës së sovranitetit kombëtar”.
“Për fat të keq, ne kemi parë që sovraniteti kombëtar shumë herë po përdoret për ta arsyetuar mungesën e kapacitetit të bashkësisë ndërkombëtare për shqyrtimin e shkeljeve të tmerrshme të të drejtave të njeriut dhe sfidave që ne po i shohim në shumë pjesë të botës”, tha Guterres.
-
Shefi i OKB-së “thellësisht i shqetësuar” nga sulmet e reja mes SHBA-së dhe Iranit
-
Guterres: SHBA-ja beson se fuqia e saj vlen më shumë se e drejta ndërkombëtare
-
Rutte: NATO-ja s’ka qenë kurrë më e fortë
-
Costa: Kosovës i nevojiten institucione të forta dhe zbatim i dialogut për avancimin drejt BE-së
-
Nis këtë javë vlerësimi për katër kandidatët për sekretar të Përgjithshëm të OKB-së