Ish-rebeli Gustavo Petro fitoi ngushtë në balotazhin e zgjedhjeve kundrejt një politikani milioner të dielën, duke sjellë në një epokë të re politike për Kolumbinë. Ai është bërë presidenti i parë i majtë i shtetit latin.
Petro, senator që po garonte për herë të tretë për postin presidencial, fitoi 50.47% të votave, ndërsa magnati i pasurive të paluajtshme, Rodolfo Hernández, mori 47.27%, me pothuajse të gjitha fletëvotimet e numëruara.
Fitorja e Petros spikati ndryshimin drastik në një vend që ka margjinalizuar prej kohësh të majtën për lidhjen e saj të supozuar me konfliktin e armatosur.
"Sot është padyshim një ditë historike. Ne po shkruajmë historinë në këtë moment. Një histori e re për Kolumbinë, për Amerikën Latine, për botën", ishin fjalët e para të Petros pas publikimit të rezultateve. Petro ishte dikur rebel me lëvizjen M-19, tashmë të shuar, dhe iu dha amnisti, pasi u burgos për reshtim në radhët e këtij grupi.
-
Kandidati i mbështetur nga Trumpi fiton zgjedhjet presidenciale në Kolumbi
-
Kandidati pro-Trump kryeson garën në zgjedhjet presidenciale në Kolumbi
-
Ish-ministri e akuzon presidentin e Kolumbisë si “narkoman”
-
Arrestohet djali i presidentit kolumbian për pastrim parash
-
Presidenti i ri i Kolumbisë e quan dështim luftën kundër drogës