Greqia ka paralajmëruar se do të rrisë numrin e rojave në kufirin e vendit me Turqinë, nga frika e fluksit të ri të emigracionit ilegal ndërlidhur me krizën në Afganistan.
Gjatë një vizite në zonën kufitare midis Greqisë dhe Turqisë, ministri grek i Mbrojtjes Civile, Takis Teodorikakos, ka thënë se 250 roja kufitare shtesë do t’u bashkohen forcave aktuale gjatë muajve në vijim.
Greqia ka ashpërsuar politikat e emigracionit dhe kontrollet policore në kufi gjatë dy vjetëve të fundit, duke e zgjatur murin e vendosur në vijën tokësore të kufirit me Turqinë dhe duke instaluar një rrjet vëzhgimi të teknologjisë së lartë, në përpjekje për të zmbrapsur azilkërkuesit.
Vendi ndërkaq ka hedhur poshtë akuzat në rritje të adresuara nga grupet për mbrojtjen e të drejtave të njeriut, të cilat pretendojnë se Greqia po i deporton emigrantët pa ua lejuar paraqitjen e kërkesës për azil.
-
Shtohen masat e sigurisë për ndeshjen Kosovë-Turqi, paralajmërohen bllokime të përkohshme rrugësh
-
Siria dërgon mijëra trupa në kufi me Libanin
-
Gjermania zgjat kontrollet kufitare edhe për gjashtë muaj
-
15 të vdekur nga përplasja e një anijeje me emigrantë me një anije patrullimi në Greqi
-
Qindra grekë protestojnë kundër pagave të ulëta