Athinë, 23 shkurt – Shefi alternativ i diplomacisë greke, Jorgos Katrugalos i ka dërguar një shkresë komisionerëve europianë, me anë të së cilës njofton se Greqia mbështet kandidaturën e Maqedonisë për anëtarësim në Nismën Adriatiko-Joniane.
“Ministri alternativ i Punëve të Jashtme të Greqisë, Jorgos Katrugalos, me një shkresë drejtuar komisionerit europian për Zgjerimin, Johannes Hahn dhe për Politikën Rajonale, Korina Krecu publikoi qëllimin e Greqisë që ta mbështesë kandidaturën e Maqedonisë në kuadër të strategjisë së Bashkimit Europian për Nismën Adriatiko-Joniane (EUSAIR)”, shkruan në kumtesën e saj Ministria greke e Punëve të Jashtme.
Ajo shton se në këtë nismë janë përfshirë Greqia, Italia, Sllovenia, Kroacia, Serbia, Mali i Zi, Shqipëria dhe Bosnje-Hercegovina.
Mbështetja greke për kandidaturën e Maqedonisë në Nismën Adriatiko-Joniane ishte dakorduar dhe kumtuar në takimin mes kryeministrit maqedonas, Zoran Zaevit dhe atij grek, Aleksis Ciprasit në Davos
-
Ministria e Jashtme greke: Të realizohet perspektiva evropiane e Ballkanit Perëndimor
-
MPJ greke deklarohet për zgjerim të kufijve në Jon, por burime diplomatike thonë të kundërtën
-
Greqia i dërgon letër KE-së dhe NATO-s për marrëveshjen me Maqedoninë
-
Athina mbështet plotësisht hapjen e negociatave të Shqipërisë me BE-në
-
Propozimi grek për emrin në qendër të vizitës së Kotziasit në Maqedoni