Greqia konfirmon dëmtimin e anijes në afërsi të Hormuzit, por jo edhe sekuestrimin

Anija greke e mallrave “Epaminondas” është sulmuar pranë Ngushticës së Hormuzit, por nuk është e qartë nëse është sekuestruar nga Irani, ka thënë ministri i Jashtëm i Greqisë, Giorgos Gerapetritis, transmeton “CNN”. 

“Mund ta konfirmoj se ka pasur sulm kundër një anije greke të mallrave, por s’mund ta konfirmoj se ajo është sekuestruar nga iranianët”, tha Gerapetritis. 

Ai tha se anija ka pësuar dëme të mëdha gjatë sulmit. Por, autoritetet greke kanë mohuar se është ndaluar. 

Garda Revolucionare Islamike (IRGC) tha se kjo anije, së bashku me atë MSC Francesca, u “sekuestruan” dhe janë shoqëruar drejt bregdetit iranian.