Një gjykatë e Pensilvanisë pranoi kërkesën e zyrtarëve zgjedhorë të qarkut Cambria që orët e votimit të zgjateshin deri në orën 22:00 sipas kohës lokale, pasi një mosfunksionim i softuerit ndërpreu skanimin e fletëvotimeve.
Fletët e votimit të hedhura pas orës 20:00 sipas kohës lokale, do të jenë fletë votimi provizore, thuhet në urdhrin e gjykatës, raporton CNN.
"Bordi Zgjedhor i Qarkut Cambria mësoi herët këtë mëngjes se një mosfunksionim i softuerit në Sistemin elektronik të votimit të qarkut i ka penguar votuesit të skanojnë fletëvotimet e tyre. Kjo nuk duhet t'i dekurajojë votuesit që të votojnë në zonat e tyre të votimit”, ka thënë zyra e Komisionerëve të Qarkut në një deklaratë të martën.
Në deklaratë theksohej se “do të numërohen të gjitha votat” dhe se banorët duhet të vazhdojnë të votojnë. Qarku Cambria është rreth 70 milje në lindje të Pittsburgut.
S’ka befasi në bastione, shtetet e papërcaktuara pritet ta vonojnë procesin
-
Zgjatet koha e votimit në një qark në Pensilvani për shkak të problemit me softuer
-
Bordi zgjedhor i Karolinës së Veriut zgjat votimin në dy zona
-
Rreth 10 vendvotime në Georgia do të rrinë të hapura më gjatë, shkak i ndërprerjeve nga kërcënimet
-
Ekipi i Harrisit optimist për fitore në vendin kyç
-
Mbyllen qendrat e para të votimit