Një gjykatë në Gjermani, në qytetin verior, Oldenburg, ka dënuar një ish-infermier me burgim të përjetshëm, pasi është shpallur fajtor për vrasjen e 85 pacientëve, ngjarje e konsideruar si ndër më të rëndat pas luftës në Gjermani.
Gjyqtari, Sebastian Buehrmann, i ka cilësuar vrasjet e 42-vjeçarit, Niels Hoegel si të “paimagjinueshme”.
Ai ka vrarë pacientë përmes injeksioneve në dy spitale në Oldenburg dhe në qytetin e afërt, Delmenhorst gjatë periudhës 2000-2005, derisa është zbuluar.
Prokurorët kanë thënë se Hoegel ka injektuar pacientët në mënyrë që të tentojë t’i ringjallë ata, dhe këtë e ka bërë ose sepse ka qenë i mërzitur ose ka dëshiruar t’i impresionojë kolegët për aftësitë që ka.
Hoegel ka kërkuar falje, pas përfundimit të gjykimit të tij shtatëmujor.
-
Infermieri gjerman vrau 10 pacientë, dënohet me burgim të përjetshëm
-
Infermieri që vrau mbi 100 pacientë
-
Ish-infermieri gjerman pranon se ka mbytur 100 pacientë
-
Infermieri gjerman gjykohet për vrasjen e 100 pacientëve
-
Dënohet me burgim të përjetshëm ish-anesteziologu francez për helmim të 30 pacientëve