Një gjykatë në Gjermani e dënoi me shtatë vjet burgim një azilkërkues nga Taxhikistani për anëtarësim në grupin militant, të ashtuquajtur Shteti Islamik (IS).
Sipas prokurorëve, i pandehuri 31 vjeçar, kishte planifikuar të kryente sulme në Gjermani dhe Shqipëri së bashku me një grup personash nga Taxhikistani.
Prokurorët akuzuan Ravshan B., mbiemri i të cilit nuk është bërë i ditur për shkak të ligjeve gjermane të privatësisë, si kreun e këtij grupi të dyshuar për formimin e një qelize terroriste.
Së bashku me një grup personash të tjerë nga Taxhikistani, 31-vjeçari shkoi në Shqipëri me porosinë e një rusi për të kryer një vrasje me pagesë 40,000 dollarëshe në mënyrë që të financonte qelizën terroriste të IS-it.
Operacioni në Shqipëri dështoi dhe ata u kthyen në Gjermani. Gjithashtu ky grup kishte planifikuar të vriste një individ afër Duesseldorfit, i cili ishte kritik ndaj islamit.
Ndër caqet e planifikuara për të sulmuar ishin bazat ushtarake amerikane në Gjermani.
Edhe
Pesë të arrestuar në Gjermani për planifikim sulmesh kundër bazave amerikane
Para vendimit të gjykatës, ky person bëri një dëshmi të pjesshme dhe kërkoi falje, duke thënë se i vjen "tmerrësisht keq për gjithçka".
Prokurorët federalë kishin kërkuar një dënim prej tetë vjet e gjysmë, ndërsa mbrojtja nuk u deklarua për kohëzgjatjen e dënimit, por hodhi dyshime në disa pika kryesore të aktakuzës.
Anëtarët e tjerë të grupit janë në paraburgim dhe po presin gjykimin. \ REL
-
Qëndroi në gatishmëri për dy vjet për kryerje të sulmeve terroriste - arrestohet irakiani në Gjermani
-
Arrestohen 9 persona në Gjermani e Holandë, dyshohen se planifikuan sulme terroriste
-
5 vjet burgim për pjesëmarrje në grup terrorist
-
Ekstradohet nga Shqipëria në Gjermani, shtetasi nga Taxhikistani i dyshuar si anëtar i një celule të ISIS-it